أغلبنا بستخدم الذكاء الاصطناعي بشكل عشوائي. بنرمي سؤال، بناخد جواب وبنكمل. بس الذكاء الاصطناعي اللي مش مربوط بسير شغلكم هو مجرد زينة.
القفزة الحقيقية بتصير لما تبطلوا "بس تحكوا" مع الذكاء الاصطناعي لمّا تحتاجوه للحظة، وتبلشوا تبنوا فريق من المساعدين الرقميين الأذكياء.
مساعدين زي هدول بعرفوا أسلوبكم، احتياجاتكم، وطرقكم، وبشتغلوا عشانكم 24/7، بدون كود أو معرفة تقنية معقدة.
وهون في عنا خيارين مهمين:
👈🏼 وحدة من ChatGPT اسمها 'GPTs'
👈🏼 والتانية من Gemini اسمها 'Gems'
والسؤال اللي بسمعه أكتر وأكتر مؤخراً هو شو الفروقات بينهم وبشو الأحسن نختار؟
هاي 3 فروقات جوهرية لازم تعرفوها:
✅ إدارة المعرفة الديناميكية: الـ Gems تبعون جوجل مربوطين بالدرايف تبعكم. غيرتوا مستند؟ المساعد بتحدّث بنفس اللحظة. بالـ GPTs المعلومات "مجمدة" وبتحتاج إعادة تحميل يدوية كل مرة.
✅ النشر الخارجي مقابل الشغل الداخلي: الـ GPTs انبنوا كـ "تطبيقات صغيرة" بتقدروا تعملولها علامة تجارية وتنشروها للعالم. الـ Gems معمولة أكتر لشغل عميق شخصي أو جماعي جوا الـ Workspace تبعكم.
✅ قوة الفيديو: الـ Gems بقدروا "يحضروا" فيديوهات يوتيوب أو يحللوا ملفات فيديو طويلة ويطلعوا استنتاجا بثواني. بالـ GPTs هاد الإشي لسا محدود ومعقد أكتر بكتير.
